O
PP informa de que Cea solicitará un cuarto préstamo de 500.000 euros para
paga-las facturas dos dous últimos anos
·
A
voceira popular afirma que a petición dun
cuarto préstamo pon de manifesto
a penuria económica na que está sumida o Concello tal e como advertía o
informe da deputación feito público recentemente
·
Ánxeles
Vázquez lamenta que Manolo Prado descoñecera que se fora a pedir un novo
préstamo, feito que pon de manifesto a falta de entendemento do bipartito local
Melide, 5 de marzo de 2010. A voceira do PP de Melide, Ánxeles Vázquez, informa
de que o actual goberno local solicitará un novo préstamo, por un importe de
máis de 500.000 euros, tal e como deu a coñecer a Interventora na última
Comisión Informativa. “A mala xestión económica do goberno municipal lévaos a
ter que recorrer cada ano a un préstamo para tapa-los buratos económicos
creados pola falta de control e rigor á hora de utilizar os cartos públicos”,
denuncia Vázquez. E é que tal e como subliña, este é o cuarto préstamo que o
actual equipo de goberno solicita no que vai de mandato. “Un préstamo por ano”
critica Vázquez, quen lembra que os préstamos bancarios incrementáronse neste
mandato un 300%, pasando de pouco máis de un millón de euros a preto de tres
millón na actualidade, coa previsión dos 500.000 euros a maiores que teñen
pensado pedir despois de aprobar o presuposto para este ano 2011.
Vázquez
informa de que, no pleno dos orzamentos, que se celebrará o vindeiro mércores, esixiralle
a Cea que explique “como é posible incrementar en 700.000 euros os ingresos en
relación ó 2010, pasando de 5.219.453,52 euros a 5.952.824,22, no 2011; e aínda
así ter que pedir un novo préstamo para facer fronte ás máis de 1.000 facturas
que a día de hoxe seguen sen recoñecer.
Tal e como
recorda Vázquez, a Deputación Provincial facía público no seu informe económico
– financeiro a pésima xestión de Cea, á cal aconsellaban que emprendera de
inmediato un saneamento nas súas contas. “Pero lonxe desto a actual alcaldesa
pedirá un novo crédito por un importe de 500.000 euros, estrangulando aínda
máis as contas municipais”, denuncia.
Por último, a
voceira popular referiuse ó “espectáculo esperpéntico” que tivo lugar na
comisión informativa, cando tivo que se-la propia Interventora a que lle notificou
ó tenente de alcaldesa, Manolo Prado, que o concello ía a solicitar un novo
préstamo. “Esto denota unha vez máis a falta de sintonía entre o matrimonio de
conveniencia PSdeG – BNG”, denunciou.
Ningún comentario:
Publicar un comentario