O Concello de Ordes pon en coñecemento de toda a súa veciñanza que xa ten á súa disposición a listaxe electoral para consultar a validez dos seus datos persoais de cara aos vindeiros comicios municipais. O horario para realizar as comprobacións pertinentes é de 9 a 14 horas de luns a venres, para o que se dispón dun ordenador situado na planta baixa do edificio consistorial. Ademais, quen o precise poderá contar coa axuda do persoal administrativo do Concello. A data límite para poder realizar esta consulta será ata o 13 de abril.
Por outra banda, ata o 14 de maio tamén se poderán realizar as dilixencias e trámites pertinentes para emitir o voto por correo. Para iso será necesario acudir á oficina de Correos, na rúa do Mercado.
Ningún comentario:
Publicar un comentario