Cámara de Comercio - Xornada sobre o fomento da administracion electrónica

A Cámara de Comercio, Industria, Servizos e Navegación de Santiago de Compostela celebrará o próximo xoves, día 16, unha xornada gratuíta sobre o fomento da administración electrónica –E-Administración– nas pequenas e medianas empresas e autónomos, entre as 11:00 e as 12:30 horas no salón de actos, en colaboración co Concello de Santiago.

O presidente da entidade, Jesús Asorey, e a concelleira de Economía de Santiago, Reyes Leis, serán os encargados de inaugurar unha xornada destinada a dar a coñecer os usos da factura electrónica entre as pequenas e medianas empresas, microempresas e autónomos da área de Santiago e as ferramentas do programa E-Administración. Estará impartida pola técnico da Agencia Tributaria (AEAT), Raquel Boiza, o coordinador nacional do programa E-Administración da Cámara de España, Juan Miguel Cuellar, e o técnico de Camerfirma, Luis Arias.

Esta iniciativa, liderada pola Cámara de España e financiada cor fondos Feder da Unión Europea, pretende extender o uso da administración electrónica, a facturación electrónica e a firma dixital para achegar a Administración Pública ás empresas e maximizar a mellora da súa produtividade e competitividade, a través de servizos electrónicos completos. Para alcanzar este propósito, o plan impulsa que as empresas adopten metodoloxías para incorporar a mellora de procesos e o uso das ferramentas relacionadas coa administración electrónica de modo sistemático á súa actividade empresarial habitual. 

Este programa ten unha fase de consultoría para a mellora de procesos onde se realiza un diagnóstico asistido e personalizado ás empresas participantes. A E-Administración pode axudar a reducir as cargas administrativas, aportar axilidade aos procedimientos con AAPP ou automatizar procesos que incorporen evidencias electrónicas certificadas (firma dixital, selo de tempo, notificaciones electrónicas certificadas...) que garantan a súa seguridade xurídica e a posibilidade de implementar a facturación electrónica.

Unha vez relizado o diagnóstico elabórase un documento de mellora de procesos que servizá de guía para a fase de implantación en plataforma de servizos. Nesta fase, a empresa beneficiaria poderá realizar trámites coas AAPP, facturar electronicamente, automatizar procesos internos e realizar transaccións mercantís coas certificacións xurídicas necesarias. O custo da implantación destas solucións será dun máximo de 1.000 euros.