Santiago - A maxia de Jorge Blass este venres no Teatro Principal

A maxia de Jorge Blass
· Nadal máxico no Teatro Principal, venres 2 de xaneiro en dúas funcións ás 18 h e ás 20 h

Este próximo venres temos dentro do ciclo Infantil e Familiar e no Teatro Principal, o espectáculo A maxia de Jorge Blass recomendado para nenos e nenas a partir de 4 anos.

Un sorprendente e novo espectáculo para todos os públicos que encherá de maxia o Teatro Principal con guión e dirección de Jorge Blass, iluminación de Víctor Cadenas e Iván Santacruz e o deseño de audiovisuais de Daniel Fajardo.

Poderase disfrutar en directo a maxia máis emocionante e recoñecida de Jorge Blass. Aparicións, desaparicións, levitacións imposibles e maxia interactiva na que o público é o protagonista. Todo iso envolto nun halo de misterio e unha coidada estética que consegue que volvamos ilusionarnos e a soñar co imposible.

Jorge Blass (Madrid 1980), os seus espectáculos obtiveron algúns dos galardóns internacionais máis prestixiosos: a Varita Máxica de Ouro, entregada polo Príncipe Rainiero de Mónaco. O Premio Siegfried and Roy en Las Vegas, EEUU. Nos últimos anos presentou a súa maxia en lugares como o Kodak Theater de Los Angeles ou a Exposición Universal de Xangai. En Televisión Jorge presentou e dirixiu 3 temporadas do seu propio programa “Nada x aquí” (Cuatro 2006 - 2008). En 2013 dirixiu o programa “Por arte de Magia” do Grupo Antena 3, un novo formato inspirado en “The Magicians” (BBC). Neste novo talent show Jorge colabora no papel de “coach máxico” de distintos famosos.

Artista habitual do prestixioso “Magic Castle” de Hollywood, director do Festival Internacional de Magia de Madrid, Jorge é patrono da Fundación Abracadabra e ten publicados dous libros: “Magia para no dejar desoñar” (Martinez Roca, 2003) e “La Fuerza de la Ilusión” (Alienta, Planeta 2011).

Entradas á venda
15 euros / 10 euros (menores de 16 anos e anfiteatro)
entradas.abanca.com / 902434443
Teatro Principal (18.00-21.00 h, de martes a sábado)

Ningún comentario: