Unha vintena de nenos e nenas de Oroso saíron cantar os Reis polas rúas de Sigüeiro, pedindo uns aguinaldos cos que fixeron unha merenda no centro cultural. Unha iniciativa organizada polo Concello de Oroso á que tamén se sumaron pais e nais dos pequenos, que participaron tanto na saída polas rúas de Sigüeiro como na merenda final.
A actividade comezou ás cinco da tarde cun obradoiro de recuperación dos Cantos de Reis. Así, os cativos e cativas estiveron preparando e construíndo diversos instrumentos musicais, ademais de ensaiar os Cantos de Reis que ían interpretar de seguido. Despois, xunto cos seus familiares, todos saíron ben abrigados ás rúas de Sigüeiro para cantar os Reis en distintos establecementos comerciais de Sigüeiro, onde pediron distintos alimentos como aguinaldo e cos que fixeron unha merenda que puxo punto e final á actividade, pasadas as oito da tarde.
Ningún comentario:
Publicar un comentario