TRECE RAPACES, DE
ENTRE 5 E 7 ANOS, PARTICIPAN NUN CURSO DE MECANOGRAFÍA ASISTIDA POR ORDENADOR
ORGANIZADO POLO CONCELLO DE FRADES
O Concello mantén aberto o prazo de inscrición nos cursos de apoio escolar,
guitarra e música
15 de novembro de
2010.- Un total de trece nenos e nenas, de entre 5 e 7 anos de idade,
participan nun curso de mecanografía asistida por ordenador organizado polo
Concello de Frades. Trátase dun curso de iniciación á informática, de 21 horas
de duración, que terá lugar no aula de informática de Frades ata o vindeiro 9
de decembro.
As clases, que
teñen lugar os luns e xoves, están adaptadas á idade dos cativos, que nelas
aprenden a colocar as mans sobre o teclado, así como o manexo dos periféricos
do ordenador. Finalmente, os pequenos aprenderán a escribir textos utilizando o
programa “Mecanografía deluxe”.
Apoio escolar e
música
Por outra banda,
o Concello de Frades mantén aberta a súa oferta formativa para rapaces e
rapazas, xa que as actividades iniciaranse en canto se conforme un grupo mínimo
de participantes. Unha destas iniciativas, a de “Apoio escolar”, é totalmente
de balde. Está dirixida a nenos e nenas de 5º e 6º de primaria e secundaria con
dificultades de aprendizaxe, que recibirán clases de apoio no mulitusos
fradense todos os mércores e venres, en horario de 18:00 a 20:00 horas.
Os outros dous
cursos non serán de balde, xa que o seu prezo determinarase unha vez conformado
o grupo. Trátase dun curso de guitarra e outro de gaita, bombo, pandeireta e
tamboril. Ambos cursos terán lugar durante unha hora semanal, no multiusos do
Concello de Frades e comezarán unha vez que se forme o grupo.
Ningún comentario:
Publicar un comentario