Nova dotación de alumeado na Ronda de Pontevedra de Melide
·
O Concello vén de iniciar tamén as obras da
segunda fase do alumeado da Avenida de Toques e Friol.
·
O proxecto, que inclúe as actuacións nas dúas
rúas, ten un presuposto de 79.000 euros, con cargo ao POS 2010.
O
Concello de Melide iniciou estes días a segunda fase das obras da mellora da
iluminación na Avenida de Toques e Friol, que nesta segunda actuación afecta a
un treito de 215 metros
e supón a colocación de 16 farolas novas.
O
concelleiro responsable desta área, Manuel Prado, destacou que “a mellora da
calidade lumínica e da seguridade viaria nesta zona é considerable, posto que imos
dotar de alumeado a todo un treito que ata o momento carecía del en toda unha
marxe, e que contaba con puntos illados e insuficientes na outra, a pesares de
atoparse preto do centro urbano de Melide”.
Na
Avenida de Toques e Friol desenvolvérase o pasado verán a primeira fase do
proxecto de iluminación da rúa con cargo ao Fondo Estatal, cun investimento de 80.000
euros. Nesta ocasión, o proxecto comprende a segunda fase da mellora de
iluminación desta avenida, e tamén unha actuación na Ronda de Pontevedra. En
total, 79.000 euros que o Concello de Melide incluíu no Plan de Obras e
Servizos da Deputación de 2010.
Actuación na Ronda de Pontevedra.
A
segunda parte deste proxecto, que xa está en execución, afectou á mellora da
calidade lumínica e á eficiencia enerxética na Ronda de Pontevedra. Nesta rúa,
na estrada AC-840, instaláranse cinco novos puntos de luz de dobre foco dende a
intersección coa rúa Rocamador ata a intersección coa rúa Eduardo M. Turner,
nun treito duns 150
metros . Neste traxecto, existían farolas en só unha das
marxes da rúa, mantendo totalmente a escuras aos edificios construídos na outra
marxe da rúa, unha das principais de Melide.
O
concelleiro responsable destas actuacións destacou que “nestes últimos tres
anos estamos renovando case por completo toda a iluminación do centro de
Melide, dotando moitas rúas de puntos de luz dos que antes carecían e
investindo nunha planificación de aforro enerxético que mellorará a calidade de
vida en Melide a curto e longo prazo”.

Ningún comentario:
Publicar un comentario