Melide - Nova oferta de actividades no Centro ocupacional

· Comenzan o primeiro trimestre do curso 2014/2015 con un sinfín de actividades destacando, entre outras, a de natación na piscina climatizada da vila.

· Tres novas alumnas entraron a formar parte do Centro no presente curso. 

O Centro Ocupacional de Melide oferta un amplo abano de actividades co único fin de mellorar as capacidades funcionais, cognitivas e tamén físicas do seu alumnado. Desenrrolan a cotío actividades centradas na lecto-escritura, informática ou traballos manuais. Sen embargo, dentro do curriculum escolar tamén se contemplan novas actividades de conciliación familiar e incremento da autonomía persoal como o caso de cociña, música ou natación, todas elas actividades realizadas fóra do centro no que se imparten a diario ás clases. 

Xunto con estas actividades que combinan todo tipo de capacidades a directora do centro ocupacional en coorganización coa concellería de servizos sociais executan excursións educativas e turísticas ao mesmo tempo de que se fai participe ao alumnado do centro aos eventos anuais de data sinalada no calendario como é o caso do Magosto, Nadal, Entroido ou Festa do Melindre. 

O centro traballa en horario de maña de 9.00 a 13.30 h no Edificio Multiusos da vila. Este ano a matricula incrementouse en tres novos membros cun total de 11 usuarios. 

Dende o departamento de servizo sociais do Concello de Melide traballase arreo para ampliar continuamente o benestar tanto de familias como dos alumnos e alumnas, sendo conscientes da importancia da existencia do centro para posibilitar a conciliación laboral e familiar ofrecendo un servizo de atención a persoas con deficiencias de tipo psicomotórico e sensorial de diversas características madurativas e de organización cognitiva.

Ningún comentario: