O Concello de Ordes felicita á atleta ordense Andrea Castro Landeira tras acadar a medalla de bronce na proba de lanzamento de xavelina no XIV Campionato de España Cadete de Atletismo disputado en Valladolid esta pasada fin de semana. Andrea Castro rexistrou unha marca de 36,90 m, logrando mellorar ademais a súa propia marca persoal.
Dende o Concello está prevista unha recepción oficial para recibir a todas as promesas do deporte local. Terá lugar tras o verán e nela o alcalde, José Luis Martínez Sanjurjo, manterá un encontro con todas e todos os deportistas convocados para agradecerlles o seu esforzo e poder felicitalos persoalmente polos seus éxitos e vitorias. O novo rexedor tamén quere aproveitar esta cita para informarse sobre as demandas e necesidades existentes no Concello en materia deportiva, co fin de poder mellorar a situación e nivel neste eido dentro do municipio.
Ningún comentario:
Publicar un comentario