Numax - Programación do 14 ao 19 de xullo

A mirada do silencio e Amy, novidades desta semana en NUMAX


Dous dos títulos que vos fomos anunciando estas semanas atrás chegan agora á nosa sala: é o caso de A mirada do silencio, documental no que Joshua Oppenheimer continúa a traballar na fenda aberta polo seu aclamado The Act of Killing e o seu arrepiante retrato dos responsábeis do xenocidio indonesio. Poderedes velo a partir deste mércores 15 de xullo. Dous días despois, o venres 17, estreamosAmy, un achegamento de Asif Kapadia á figura da célebre cantante Amy Winehouse a través de imaxes íntimas e cancións inéditas.

Ese mesmo venres, ademais, propoñémosvos un percorrido completo pola obra deFernando Fernán-Gómez coa presentación do libro dedicado ao cineasta que o profesor e historiador do cinema José Luis Castro de Paz publicara na Editorial Cátedra no ano 2010. Castro de Paz estará connosco ás 18:00, pero xusto antes, ás16:00, teredes unha boa ocasión de gozar de El mundo sigue, un dos filmes centrais de Fernán-Gómez sobre o que pivotará boa parte da exposición do profesor.

Cómpre sinalar, por último, que este martes 14 de xullo temos os últimos pases deHermosa Juventud e A profesora de párvulos, e que o xoves 16 rematan tamén as proxeccións de O pequeno Quinquín.

A mirada do silencio
(Joshua Oppenheimer, 2014)

Por medio da obra cinematográfica de Joshua Oppenheimer (The Act of Killing) sobre os responsábeis do xenocidio indonesio, unha familia de supervivintes descobre como foi asasinado o seu fillo e a identidade dos homes que o mataron. O irmao máis novo decídese a crebar o medo e o silencio co que viven os que quedaron vivos, enfrontándose deste xeito aos responsábeis da morte do seu irmao. Algo inconcebíbel nun país no que os asasinos permanecen no poder.

Amy
(Asif Kapadia, 2015)

Amy Winehouse foi un deses talentos únicos que xorden en cada xeración e unha artista de jazz no sentido máis puro do termo. Escribiu e cantou desde o corazón empregando o seu talento musical para analizar os seus propios problemas. A combinación da súa crúa honestidade e do seu talento incríbel fixéronlle gañar seis premios Grammy e compór algunhas das cancións máis orixinais e adoradas do século XXI. A través de imaxes íntimas e cancións inéditas, este filme sorprendentemente moderno, áxil e vital amósanos o duro que é o mundo no que vivimos dun xeito que moi poucos filmes acadaron.

Presentación de 'Fernando Fernán-Gómez', de José Luis Castro de Paz

Co gallo da reestrea de El mundo sigue, actualmente na carteleira do Cinema NUMAX, aproveitamos para recuperar a minuciosa análise da filmografía de Fernando Fernán-Gómez que o catedrático José Luis Castro de Paz realizara para Ediciones Cátedra no ano 2010. Castro de Paz estará na nosa libraría presentando Fernando Fernán-Gómez o vindeiro venres 17 de xullo ás 18:00, xusto despois do pase diario de El mundo sigue que ese día terá lugar ás 16:00.

Programación

Martes 14 de xullo

12:00 El mundo sigue
16:00 O pequeno Quinquín
20:00 A profesora de párvulos
          [Último pase]
22:00 Hermosa juventud
          [Último pase]
 

Mércores 15 de xullo

12:00 O pequeno Quinquín
16:00 El mundo sigue
18:15 A mirada do silencio [Estrea]
20:00 El mundo sigue
22:15 A mirada do silencio
 

Xoves 15 de xullo

12:00 El mundo sigue
16:00 A mirada do silencio
17:45 El mundo sigue
20:00 O pequeno Quinquín
          [Último pase]

Venres 16 de xullo

12:00 A mirada do silencio
16:00 El mundo sigue
18:15 Amy [Estrea]
20:30 A mirada do silencio
22:15 Amy
 

Sábado 17 de xullo

12:00 El mundo sigue
16:00 Amy
18:15 A mirada do silencio
20:00 Amy
22:15 A mirada do silencio
 

Domingo 18 de xullo

12:00 Amy
16:00 Amy
18:15 El mundo sigue
20:30 A mirada do silencio
22:15 Amy

Ningún comentario: