BNG A Estrada - O BNG pide a dimisión da Secretaria Xeral de Urbanismo

Para a secretaria xeral de urbanismo é unha “pequeñez” que se suspenda o PXOM da Estrada
Os veciños e veciñas da Estrada esixen que se diriman responsabilidades e o BNG pídelle que dimita

O deputado do BNG, Daniel Rodas, afirmou hoxe na comisión de urbanismo do Parlamento de Galiza, na que compareceu a Secretaria Xeral do Territorio e Urbanismo, Encarnación Rivas Díaz, que “o que pasou co PXOM da Estrada non é unha “pequeñez administrativa” como afirma a Secretaria Xeral de Urbanismo, é unha chapuza que terá consecuencias económicas moi graves para o concello da Estrada”.

“Tampouco é un mal menor como afirma a a Sra. Rias Díaz, secretaria xeral de urbanismo, xa que de confirmarse a sentenza”, explicou Rodas, “o concello da Estrada voltará ás normas subsidiarias de 1978 que está nas antípodas do ordenamento xurídico vixente en materia urbanística e paralizará a construción neste concello durante sabe canto tempo”.

“Para os veciños e veciñas da Estrada isto non son pequeñeces nin males menores e esixen que se diriman resposnabilidades”, engadiu o deputado do BNG, “e consecuentente nós esiximos a súa dimisión como máxima responsábel desta chapuza e porque, sinceramente, non nos convencen as súas explicacións, e fai como o alcalde da Estrada, bota balóns fóra con desculpas baratas”.

O deputado nacionalista, Daniel Rodas, tamén engadiu que “este tipo de actuacións non é nada novo no PP de Galiza e no deptartamento que dixixe unha persoa que está imputada por un presunto delito urbanístico”. O deputado do BNG afirmou que “o PP si fai política con este departamento, utilizándoo para os seus intereses políticos particulares, malia as consecuencias que teña para os veciños e veciñas que as sofren”.

Ningún comentario: