El Kanka presenta o seu segundo disco, ‘El día de suerte de Juan Gómez’, mañá xoves nas Crechas
O artista malagueño está de xira pola Península, e en Galicia para en Compostela o xoves e o venres na sala Mardi Gras da Coruña
A Casa das Crechas acolle mañá xoves o concerto de El Kanka, un dos cantautores con máis futuro do panorama español, que nos presentará o seu segundo álbum de estudio, “El día de suerte de Juan Gómez”. Este artista malagueño rebosa talento e bo humor. Os seus concertos provocan felicidade colectiva e cada novo fan ten a necesidade de compartir o seu descubrimento coa xente á que aprecia.
El Kanka combina como ningúen temas para sorrir con cancións de amor de letras fabulosas. O seu primeiro videoclip, "A desobedecer", superou as 23.000 visitas en menos de dúas semanas.
O cantautor malagueño presentanos o seu segundo álbum de estudio. Un traballo para o que contou con Juan de Dioss Martín (Amaral, Marlango, Xoel López) na produción e con colaboracións de artistas como o inconfundible Lichis, a gaditana Carmen Boza ou o polifacético Toni Zenet.
Un esperado lanzamento que vén precedido por ‘A desobedecer’, primeiro tema do álbum que se presentou o pasado 10 de abril e que desde entón non parou de recoller boas críticas tanto de prensa como de público. Un tema cargado de actualidade e positividade no que non faltan os ritmos alegres e un retrouso pegadizo e que acumulou máis de 20.000 visitas en Youtube en menos de dúas semanas.
“El día de suerte de Juan Gómez” é un paso adiante na carreira do cantautor. Un traballo que recolle a súa madurez e crecemento como artista e que supón a súa confirmación como compositor, escritor e intérprete de gran talento. Un álbum que deixa paso a varios estilos, sen deixar de lado as súas xa famosas letras ás veces reflexivas, outras frescas e irreverentes e a raíz da súa voz, a súa guitarra e a súa música. En total, 12 temas escritos e compostos polo Kanka na súa totalidade.
El Kanka está de xira por toda a Península para presentar o seu novo álbum. En Galicia para o vindeiro xoves nas Crechas e o venres na sala coruñesa Mardi Gras.
Máis información:
https://www.dropbox.com/sh/yp8f8h1c5f0bj4v/nxJzIbLe3T (cancións en mp3)
Ningún comentario:
Publicar un comentario