O Concello de Melide non ten ningunha cámara localizada nos exteriores de ningún edificio público
· As cámaras atópanse dentro da Casa da Cultura ningunha situada no exterior de edificio.
· As cámaras teñen como obxecto mellorar a seguridade e protección do interior dentro do posible
· O campo de gravación das cámaras é o ángulo que comprende o acceso ao edificio
A colocación e mantemento das cámaras corre a cargo dunha empresa inscrita dentro do rexistro de empresas de seguridade do Ministerio do Interior.
O Concello de Melide ten colocados carteis visibles en cada un dos lugares que dentro da Casa da Cultura se atopan as cámaras indicando pertinentemente que se trata dunha zona vixiada facendo mención a Lei orgánica 15/1999 de Protección de Datos de carácter persoal e indicando que o ficheiro creado aos efectos é propiedade do Concello de Melide.
Estas cámaras que están colocadas aínda non se atopan en funcionamento xa que con elas se persegue un efecto disuasorio debido a gran cantidade de desperfectos e roubos que ao longo de varios anos de construción da Casa da Cultura alí se produciron. Como organismo público o Concello de Melide en primeiro lugar debe de dispoñer da publicación da disposición ou acordo da creación do ficheiro de datos no Diario Oficial correspondente, neste caso o BOP, previo a súa inscrición na Axencia de Protección de Datos estando en proceso a busca da documentación necesaria para elaborar o procedemento con todos os requisitos establecidos pola presente lexislación.
Unha vez realizada esta publicación pode procederse a inscrición do ficheiro de titularidade pública ante a Axencia de Protección de Datos e ao non terse inscrito aínda o ficheiro as cámaras non se atopan en funcionamento quedando ademais clarificado que non hai ningunha cámara no exterior o edificio, senón que todas se encontran localizadas no seu interior. Por todo o exposto o Concello non está incurrindo en ningún tipo de irregularidade.
Ningún comentario:
Publicar un comentario