Oroso - o bar "Tapas" gañou o concurso de tapas


“BAR TAPAS” GAÑA A TERCEIRA EDICIÓN DO CONCURSO DE TAPAS DE OROSO, NA QUE SE DEGUSTARON DE BALDE MÁIS DE 2.000 RACIÓNS

Os premios serán entregados o vindeiro venres 11 de maio, coincidindo co inicio da Festa da Troita

30 de abril de 2012.- O “Bar Tapas” (Sigüeiro), coa súa proposta “Tosta de Carne”, foi o gañador da III edición do concurso de tapas, celebrado os días 14, 15, 21 e 22 de abril en Oroso. Así o decidiron as 223 persoas que exerceron o seu dereito ao voto durante eses catro días e cuxos sufraxios foron contabilizados na noite do venres no centro cultural de Sigüeiro. Un reconto ao que asistiron representantes dos locais participantes, que entregaron cadansúa urna selada para que se realizase o correspondente reconto.


Foi o reconto máis axustado destas tres edicións, pois o “Bar Tapas” (Sigüeiro) conseguíu un total de 37 votos, tan só dous máis que o segundo clasificado “Adega O Ribeiro” (Sigüeiro), vencedor nas dúas edicións anteriores. Os propietarios do “Bar Tapas” serán premiados con 150 euros e diploma acreditativo, que serán entregados o vindeiro 11 de maio, ás 19:00 horas, no centro cultural de Sigüeiro coincidindo co inicio da Festa da Troita. No terceiro lugar do pódium rexistrouxe un empate a 26 votos entre o “Bas Stop” (Oroso) e o “Restaurante Cortés” (Sigüeiro).

Gran participación


Os 19 hosteleiros participantes amosáronse moi satisfeitos co desenvolvemento do concurso, pois se rexistrou unha maior participación que o ano pasado. De feito, simplemente atendendo ás bases do concurso, eses 223 votos válidos supoñen que neses catro días cando menos se degustaron 2.007 tapas en Oroso (xa participar no sorteo había que presentar o cupón con 9 selos de 9 establecementos distintos). Isto supón 45 consumicións máis que o ano pasado.

Ademais, os establecementos participantes destacaron que, a pesares da choiva, rexistraron máis clientes que na pasada edición. Iso sí, coinciden en destacar un cambio positivo: o cliente deste ano acudiu a cada local de acordo aos seus gustos grazas ao pequeno folleto informativo editado polo Concello de Oroso que, ademais de incluir o cartón para votar á mellor tapa, recolle as propostas de cada establecemento para cada un dos catro días do concurso.

Premiados


Ademais do reconto, tamén se realizou o sorteo dunha fin de semana en réxime de pensión completa no Hotel Balneario Compostela (Brión) entre os 223 participantes. A gañadora foi Mari Carmen García Carnota, veciña de Sigüeiro. Os gañadores das botellas de MagnumViño Lan foron:
-          Marcelino Romero Crujeiras (Sigüeiro)
-          Isolina Paderne Carrillo (Oroso)
-          Ricardo Pasín Regueiro (Sigüeiro)
-          Fernando Piñeiro Costas (Meis)
-          Elena Barreiro Ferreiro (Senra, Oroso)
-          Marcos Otero Bouzón ( A Gándara)

Finalmente, os gañadores dos descontos nas tendas a Asociación de Comerciante e Empresarios de Sigüeiro (ACES) foron:

-          Sonia Villaverde Meijide (Deixebre), 30% de desconto en Martirio
-          Francisco Dínguez Noya (Santiago), vale desconto en Mayka Perfumeria
-          Víctor M. Sánchez Mariño (Trazo), vale desconto do 15% en Zapateria Rial
-          José M. Castro Calvo (Oroso), vale de desconto do 15% en Zapateria Rial
-          Belén Lagares Gómez (Sigüeiro), vale de compra por valor de 25€ na Merceria María
-          Eduardo Veiras Rey (Senra), vale desconto do 20% en Xoiería Taaroa
-          José Garaboa Barreiro (Senra), vale desconto do 20% en Xoiería Taaroa
-          Óscar Maroño Couselo (Santiago), vale desconto en Floristería D Capricho
-          Eva Parada Pantín (Sigüeiro), vale desconto na Tenda de Soledad
-          Luis Rey Canda (Oroso), vale desconto do 15 %  na Clínica Andarela
-          Mayte Márquez Neira (Sigüeiro), vale desconto en Confecciones Primitiva
-          Juan Pablo Francos Castromil (Santiago), vale desconto en Optica Neovisión

Os 19 establecementos que participaron nesta terceira edición foron: Cervexería O Xesto, Adega O Ribeiro, O Café de Manuela, X Que No?, Bar Tapas, Pizzeria Hassan, Pulpería Carballal, Hostal Mirás, Mesón Tambre, O Rodeo e Restaurante Cortés, todos eles de Sigüeiro. Ademais, tamén concursarán o Bar O Zapateiro (de Senra), o Restaurante Viuda de Blanco (Senra), o Bar Stop (Oroso), o Restaurante Liñares (Vilacide-Oroso), o Restaurante Lar Blanco (Gándara), A Falmega (Gándara), Bar Fernández (Vilarromariz) e Nova Xeira (LG. Sigüeiro).

Ningún comentario: