Ordes - o goberno aproba o plan de proveedores


O Goberno central concédelle a Ordes os 2,7 millóns solicitados en base ao Plan de pago a proveedores


Ordes 02 maio 2012. O Goberno Central ven de concederlle ao Concello de Ordes o crédito solicitado en base ó Plan de pago a proovedores, aprobado en Consello de Ministros o pasado 2 de marzo. En total son 2,7 millóns de euros os solicitados e concedidos ó ente municipal, dos cales 2 millóns corresponden a facturas contabilizadas e non aprobadas e outros 487.000 € a facturas xa recoñecidas. Dito procedemento foi aprobado no pleno que tivo lugar o pasado 30 de marzo cos votos a favor do grupo de Goberno (UXO), PSOE E CIDEGA.

     Deste xeito ponse de manifesto o correcto procedemento e a transparecia empregada neste procedemento tal e como se establece nas bases reguladoras do plan. Unha boa praxis que xa se especificara nun informe recentemente realizado polo Interventor municipal ante as críticas verquidas contra o alcalde da vila, Manuel Regos, ó que acusaban de ocultar información en relación ás facturas presentadas.
     O Real Decreto-ley 4/2012 establece o inicio normativo do procedemento ideado polo Ministerio de Facenda e Administracións Públicas. O seu principal obxetivo é intentar solucionar coa máxima urxencia o grave problema de déficit orzamentario das entidades locais e a perentoria falta de liquidez das mesmas. Compleméntase co Real Decreto-lei 7/2012, de 9 de marzo, polo que se crea o Fondo para o financiamento dos pagos a provedores.  Establécese así un préstamo de 35.000 millóns de euros (financiado pola banca e o Instituto de Crédito Oficial) con dous de carencia e un tipo de interés cercano ó 5 %, dos que 20.000 millóns serán para cubrir as débedas dos concellos e o resto para as comunidades.
 
     Según datos do ministerio de Facenda un total de 177.000 proveedores beneficiaranse deste sistema en todo o país. A él acolléronse máis de 4.600 entidades que presentaron un total de 1.932.000 facturas pendentes de cobro por un importe dalgo máis de  9.580 millóns.

Ningún comentario: