Frades - bolsas de axuda para o transporte escolar


O CONCELLO DE FRADES CONVOCA BOLSAS DE TRANSPORTE ESCOLAR PARA ALUMNOS DE BACHARELATO E FORMACIÓN PROFESIONAL

A subvención acadará os 200 euros por alumno e o prazo de presentación de solicitudes remata o 25 de maio

30 de abril de 2012.- O Concello de Frades convoca unha subvención para transporte escolar para o curso académico 2011-2012 dirixida a alumnos de Bacharelato e Formación Profesional. Unhas axudas que acadarán os 200 euros por alumno e curso, e cuxo prazo de solicitude remata o vindeiro 25 de maio

Poderán solicitar estas subvencións aqueles alumnos que estén empadroados no Concello de Frades, que cursen estudos de Bacharelato ou Formación Profesional e cuxas familias estén ao día no pago das obrigas tributarias co Concello. Unha vez cumpridos estes requisitos, o reparto das subvencións realizarase atendendo unicamente ao criterio económico, de xeito que só se concederán subvencións a aqueles estudiantes máis necesitados e cos ingresos per cápita máis baixos.


As solicitudes deberán presentarse nos Servizos Sociais do Concello de Frades antes do 25 de maio. A documentación precisa é: copia do DNI do alumno e do pai, nai ou titor; resgardo da matrícula do centro no que está a realizar o presente curso escolar e xustificantes dos ingresos dos membros da unidade familiar do ano 2012 (declaración da renda, nóminas, pensións, certificacións de ser demandante de emprego...). Máis información nos Servizos Sociais municipais ou no teléfono 981695567.

Ningún comentario: