Ábrese
o prazo para renovar a matrícula no programa de psicomotricidade
[19/05/2010] A Concellaría de Educación e
Servizos Complementarios acaba de abrir o prazo de inscrición no programa de
Psicomotricidade Educativa e Preventiva que se vai desenvolver tanto en
Bertamiráns como no Milladoiro. Todos os pais e nais que teñen aos seus
fillos/as matriculados nesta actividade durante este curso teñen dende o 18 ata
o 28 de maio para renovar a praza de cara ao vindeiro curso. Posteriormente do
1 ao 15 de xuño ábrese o prazo de preinscrición para todas aquelas persoas que
actualmente non dispoñen deste servizo. Os nenos e nenas que sexan admitidos
terán que formalizar a matrícula do 21 ao 30 de xuño.
No ano
2006 o Concello de Ames puxo en marcha o programa de psicomotricidade educativa
e preventiva co obxectivo de favorecer no neno/a a expresión das súas
vivencias, emocións e medos dun xeito espontáneo a través dunha dinámica de
xogo e pracer. Este programa comezou a funcionar con menos de dez cativos pero
nestes momentos xa están matriculados preto de 70 rapaces e rapazas. Concretamente
durante o mes de abril participaron nestas actividades uns 68 nenos e nenas de
entre 3 e 5 anos.
Este programa serve de apoio para o desenvolvemento persoal e á maduración do cativo. Ademais, tamén están orientadas a que os nenos/as se acostumen a respectar os demais dentro dun grupo sen que teña que haber conflitos. As actividades de psicomotricidade educativa e preventiva realízanse nas instalación do CEIP Agro do Muíño, CEIP A Maía e na Escola Infantil do Milladoiro.
As aulas de psicomotricidade dos colexios están preparadas dun xeito especial e inclúen material específico, como colchóns ou módulos de gomaespuma de diferentes cores. Mediante este material os nenos e nenas poden expresar todo aquilo que desexan. Na aula hai dúas normas básicas de convivencia como son as de non danar aos compañeiros e non desfacer o que fan os demais.
O programa está dirixido aos nenos e nenas de 3, 4 e 5 anos empadroados no Concello de Ames. As actividades desenvolveranse ao longo do curso escolar en sesións dunha hora á semana. O horario e o día concretarase unha vez estean establecidas as actividades extraescolares para cada curso organizadas nos centros de ensino correspondente, por ter estas prioridade sobre as actividades organizadas polo Concello. O número de prazas que se oferta para o próximo curso é de 72, distribuídas en 6 grupos de 12 nenos e nenas como máximo. Os grupos organizaranse segundo a demanda que exista da actividade.
Prazo de preinscrición
Todos os pais e nais que teñan aos seus fillos/as matriculados nesta actividade durante este curso teñan a posibilidade de renovar a súa praza dende o día 18 ata o 28 de maio. Todos os que cumpran os requisitos formalizarán directamente a matrícula. Os demais solicitantes deberán formalizar a preinscrición entre o 1 e o 15 de xuño entregando a documentación que se lle require no Rexistro Xeral do Concello, en Bertamiráns ou na Oficina Municipal do Milladoiro en horario de 9:00 h. á 14:00 horas.
As familias interesadas en participar en Psicomotricidade Educativa e Preventiva poden recoller a ficha de preinscrición ou de matrícula no departamento de Educación, en Bertamiráns, e nas oficinas municipais do Milladoiro en horario de 9:00 h. á 14:00 horas. Ademais, tamén poden descargar a documentación na sección de Avisos da web municipal para logo entregala cuberta nos mesmos lugares.
Unha vez rematado o prazo de preinscrición publicarase a lista de admitidos/as e o prazo e lugares de matrícula, nos taboleiros de anuncios do Concello en Bertamiráns e da Oficina Municipal do Milladoiro. O prazo establecido para formalizar a matrícula vai dende o día 15 ata o 30 de xuño.
Para ocupar as prazas ofertadas terán sempre preferencia os nenos e nenas que participaran na actividade o curso anterior sempre que cumpran os requisitos. O prezo da actividade de Psicomotricidade Educativa e preventiva é de 12 euros ao mes.
Este programa serve de apoio para o desenvolvemento persoal e á maduración do cativo. Ademais, tamén están orientadas a que os nenos/as se acostumen a respectar os demais dentro dun grupo sen que teña que haber conflitos. As actividades de psicomotricidade educativa e preventiva realízanse nas instalación do CEIP Agro do Muíño, CEIP A Maía e na Escola Infantil do Milladoiro.
As aulas de psicomotricidade dos colexios están preparadas dun xeito especial e inclúen material específico, como colchóns ou módulos de gomaespuma de diferentes cores. Mediante este material os nenos e nenas poden expresar todo aquilo que desexan. Na aula hai dúas normas básicas de convivencia como son as de non danar aos compañeiros e non desfacer o que fan os demais.
O programa está dirixido aos nenos e nenas de 3, 4 e 5 anos empadroados no Concello de Ames. As actividades desenvolveranse ao longo do curso escolar en sesións dunha hora á semana. O horario e o día concretarase unha vez estean establecidas as actividades extraescolares para cada curso organizadas nos centros de ensino correspondente, por ter estas prioridade sobre as actividades organizadas polo Concello. O número de prazas que se oferta para o próximo curso é de 72, distribuídas en 6 grupos de 12 nenos e nenas como máximo. Os grupos organizaranse segundo a demanda que exista da actividade.
Prazo de preinscrición
Todos os pais e nais que teñan aos seus fillos/as matriculados nesta actividade durante este curso teñan a posibilidade de renovar a súa praza dende o día 18 ata o 28 de maio. Todos os que cumpran os requisitos formalizarán directamente a matrícula. Os demais solicitantes deberán formalizar a preinscrición entre o 1 e o 15 de xuño entregando a documentación que se lle require no Rexistro Xeral do Concello, en Bertamiráns ou na Oficina Municipal do Milladoiro en horario de 9:00 h. á 14:00 horas.
As familias interesadas en participar en Psicomotricidade Educativa e Preventiva poden recoller a ficha de preinscrición ou de matrícula no departamento de Educación, en Bertamiráns, e nas oficinas municipais do Milladoiro en horario de 9:00 h. á 14:00 horas. Ademais, tamén poden descargar a documentación na sección de Avisos da web municipal para logo entregala cuberta nos mesmos lugares.
Unha vez rematado o prazo de preinscrición publicarase a lista de admitidos/as e o prazo e lugares de matrícula, nos taboleiros de anuncios do Concello en Bertamiráns e da Oficina Municipal do Milladoiro. O prazo establecido para formalizar a matrícula vai dende o día 15 ata o 30 de xuño.
Para ocupar as prazas ofertadas terán sempre preferencia os nenos e nenas que participaran na actividade o curso anterior sempre que cumpran os requisitos. O prezo da actividade de Psicomotricidade Educativa e preventiva é de 12 euros ao mes.

Ningún comentario:
Publicar un comentario