Lalin, 24/07/2016 - Ante as reiteradas chamadas dos medios de
comunicación e co obxecto de despexar calquera posible dúbida sobre os motivos
e finalidades da miña decisión de abandonar o Goberno municipal de Lalín, eu,
Juan José Cruz García, quero deixar meridianamente claros os seguintes
aspectos:
-As únicas razóns que me levan a adoptar esta
decisión están recollidas no escrito presentado esta mañá no rexistro municipal
do Concello de Lalín. O seu obxectivo último, en todo caso, é ter unha maior
autonomía e marxe de manobra para traballar e presentar iniciativas a prol do
interese xeral das e dos lalinenses.
-Neste contexto, e xa dende a miña nova
posición, reitero que sigo a disposición do Goberno municipal de Lalín para colaborar
de forma coordinada.
-Por último -e para evitar calquera lectura
errónea, malintencionada ou interesada sobre os motivos ou finalidades desta
decisión- quero reiterar de forma clara e contundente que non está no meu ánimo
de ningunha maneira prexudicar a continuidade do Goberno municipal de Lalín. En
consecuencia, comprométome a que, no que de min dependa, o Goberno presidido
polo alcalde Rafael Cuíña se manteña ata o final deste mandato.
Juan José Cruz García
Ningún comentario:
Publicar un comentario