6/6/2016
- Como todos os anos, a conta non refrexa un adecuado desglose por programas de
gasto, o que fai moi difícil fiscalizar os distintos centros de gasto do
Concello. Ademais, no apartado de ingresos tamén se demostraron diversas
diverxencias, que non foron ainda subsanadas.
Pero
sen dúbida, o erro máis grave detectado foi a ocultación dun pasivo financeiro
(débeda) que pasou a anotarse como unha transferencia de capital (subvención)
contra do acordo plenario de modificación orzamentaria do pleno de xullo
pasado. É dicir, a Conta Xeral contradí o acordo plenario do Plan PAS 2015 da
Deputación, ao ocultarse como débeda a parte da obra do camiño de Boqueixón a
Codeso por Maravexás (122.331,54 €), o que implica unha
maquillaxe
financeira, ademais de falsificación, ao contradicirse o acordo plenario.
Despois
de que a intervención verificara en situ de que a denuncia feita por Veciñ@s de
Boqueixón era certa, e que a aprobación podería constituir un acto de
falsificación de documento público e incluso o de prevaricación, o PP “plegou
velas” e aceptou a retirada da orde do día á espera de que a Intervención do
Concello se pronuncie sobre o tema e ver como
se pode
aprobar o informe preceptivo da Comisión de Contas.
Un
capítulo máis dunha nefasta xestión económica, que refrexa unha Conta Xeral que
non se recolle a realidade económico financeira do Concello. É por iso que con
independencia do “amaño” que se faga, reservámonos o dereito de acudir á
fiscalía anticorrupción posto que consideramos que os feitos denunciados son
moi graves, ao estarmos a falar de presunta Falsidade Documental e a
posteriori, incluso Prevaricación.
Ningún comentario:
Publicar un comentario