BNG – Asembleas abertas de Vedra e Veciñ@s de Boqueixón presentan unha moción para regular os procesos selectivos de persoal

30/5/2016 - Os grupos municipais do BNG – Asembleas Abertas e Veciñ@s de Boqueixón, veñen de presentar este xoves unha moción co fin de que se regulen os procedementos de selección de persoal de ambos concellos, de xeito que se garanta a obxectividade de todo o procemento.
Para iso proponse un sistema de gravación audiovisual da fase da entrevista que garanta o dereito de acceso xusto aos postos de persoal laboral, dotando ao concello dunha estrutura de transparencia que ata o de agora non existe.
Ante estas peticións, os dous grupos municipais encargaron un informe xurídico sobre a creación dun rexistro de gravacións de probas orais de selección de persoal emitido por unha avogada especializada en dereito de protección de datos e novas tecnoloxias, no que avala xurídicamente cada unha das medidas que se solicitan en ambas mocións.

Acordos solicitados na Moción.
Co obxectivo de garantir unha total transparencia, obxectividade e participación en todos os procedementos selectivos de persoal de ambos concellos, ambos os grupos aportan unha batería de propostas, perfectamente posibles e avaladas xurídicamente no informe que acompaña á moción. Concretamente son:
1. Que as bases da convocatoria para cubrir prazas de funcionarios ou persoal laboral
sexan aprobadas polos Plenos das Corporacións.
2. Arbitrar mecanismos para cubrir as substitucións que se produzan no persoal por
baixas, excedencias, vacacións ou permisos elaborando unha lista de espera co persoal
que aprobe sen praza os últimos procedementos selectivos.
3. Máxima difusión e publicidade das bases da convocatoria.
4. Determinar un prazo non inferior a 15 días, para favorecer a participación dos posibles
aspirantes.
5. Realizar, dacordo co informe xurídico, un rexistro de gravacións de probas orais de

selección do persoal.

Ningún comentario: