O Concello de Frades vén de convocar os seus campamentos municipais de verán, que terán lugar do 13 de xullo ao 7 de agosto no multiúsos de Frades en horario de 9:30 a 13:30 horas. O concello incrementa nunha semana a oferta e mantén os prezos de 20 euros para empadroados e de 30 euros para non empadroados (quincena) e 40 euros e 60 euros no caso do mes completo. As inscricións deben realizarse no Concello de Frades antes do 7 de xullo.
Os campamentos incluirán xogos, contos, cancións, bailes e visitas ao campo de fútbol municipal e á piscina de Papucín, onde haberá un día especial de xogos. Ademais, están previstos obradoiros de pulseiras, cupcakes, cociña e traballos manuais, así como diversas actividades deportivas e, como novidade, actividades en inglés.
Ningún comentario:
Publicar un comentario