Amosando publicacións coa etiqueta ANPA O PINO. Amosar todas as publicacións
Amosando publicacións coa etiqueta ANPA O PINO. Amosar todas as publicacións

Comunicada da ANPA do CPI Camiño de Santiago en O PIno sobre as obras no colexio

O Pino, 20/08/2016 - Diante da novas que están a coñecerse estes días, a ANPA do CPI Camiño de Santiago quere facer as seguntes aclaracións:

O CPI Camiño de Santiago non ten ximnasio. Para desenvolver as clases de educación física e realizar outras actividades que deberían facerse no ximnasio que non hai, os mestres e alumnos do CPI Camiño de Santiago utilizan o vello pavillón polideportivo municipal que está ao carón do colexio.

ANPA O Pino - Continuarán as movilizacións se non hai resposta da Consellería

As nais e pais de O Pino volverán a mobilizarse se non reciben novas da Consellería.

O mércores 9 de xullo celebróuse unha reunión entre membros da ANPA do CPI “Camiño de Santiago”, o alcalde e a concelleira de cultura do concello de O Pino, membros da dirección do CPI, o xefe territorial da Consellería, D. Indalecio Cabana, o xefe de inspección, D. Fermín Álvarez, e o inspector de zona, D. Rodrigo Porral.

En dita reunión confirmóuse que da proposta inicial da administración de desprazar 4 prazas de profesorado definitivas do centro (unha en primaria e tres en secundaria) a praza de primaria e unha das de secundaria (ésta correspondente á asignatura de Lengua Castellana) xa non serán desprazadas, quedando no colexio eses dous mestres. 

Respecto das outras dúas prazas definitivas de secundaria que a Consellería quere desprazar este ano, a administración propuxo o seguinte compromiso:

“Desprázanse 2 profesores con praza definitiva no centro por falta de horario, en concreto un de inglés e un de matemáticas. Ante a solicitude da ANPA pola falta de espacios, a Xefatura Territorial comprométese a estudiar a petición e informala favorablemente á Consellería”. Dito compromiso consistiría, en palabras dos representantes da administración, no envío de dous mestres provisionais para cubrir as prazas dos dous desprazados. “A xefatura territorial tamén se compromete a informar favorablemente as solicitudes de contratos programa que se soliciten dende o Centro”, para poder facer os reforzos que ata o de agora viña facendo a plantilla de mestres asignada ó colexio.

Esta proposta foi recollida pola dirección da ANPA, que á trasladou á asemblea de nais e pais celebrada na mesma tarde do mércores día 9, na que se decidíu pospoñer a toma dunha decisión definitiva ata unha nova asemblea a celebrar o luns 14 de xullo.

Seguidamente, a dirección da ANPA puxo a proposta da administración por escrito e presentóuna por rexistro para a Consellería, ademáis de enviala por correo electrónico á Xefatura Territorial. 

Na asemblea celebrada na tarde do día 14 de xullo, as nais e pais co CPI Camiño de Santiago decidiron que se aceptaría a proposta da administración sempre e cando lles sexa remitida e confirmada por escrito no prazo de dous días, xa que no momento de celebrar a asemblea non se tiña constancia de que a Consellería tivese fallado favorablemente esa proposta.

O colectivo de nais e pais volverá celebrar unha nova asemblea o vindeiro mércores 16 de xullo, ás 20:00 horas, dispostos a retomar as mobilizacións no caso de que administración non lles teña dado antes unha reposta positiva.

ANPA Colexio O Pino - Mobilizacións contra o recorte de profesorado

A ANPA DO COLEXIO DE O PINO MOBILÍZASE CONTRA O RECORTE DE PROFESORADO
A Asociación de Nais e Pais do CPI Camiño de Santiago, de O Pino, mostraron onte o seu rexeitamento ao recorte de profesorado que decretou a Consellería de Educación.

En concreto a Consellería ten previsto suprimir 4 mestres que tiñan praza fixa no centro, máis outros 2 provisionais. En total 6 profesores menos respecto do curso que vén de rematar o que, para os pais e nais de alumnos, suporá que se masifiquen as aulas e aumente o índice de fracaso escolar, que xa supera o 30%.

Hai que ter en conta que con este recorte haberá aulas na Educación Primaria que superarán a ratio de 25 alumnos por aula.

Na Educación Secundaria a media pode superar os 30 alumnos por aula, xa que hai que ter en conta que os alumnos que repiten curso non se contabilizan na ratio. Nun edificio, ademáis, no que hai aulas coma o laboratorio ou a sala de tecnoloxía, que son tan reducidas que non hai espazo físico para máis de 20 alumnos.

Ademáis de impedir que poidan facerse desdobres, este recorte de profesorado vai supor a eliminación de mestres de apoio e de reforzo, e de atención a nenos con necesidades educativas específicas, que foron arredor dun 30% no pasado curso 2013-14. Por outra banda, tamén se eliminaría a sección bilingüe que leva funcionando no centro nos últimos anos.

Destaca o feito que os profesores que se recortan son, precisamente, de materias troncais coma matemáticas, lingua castelá ou inglés; materias para as cais na lei están previstos desdobres de aula cando a ratio supera os 20 alumnos.

Membros da ANPA reuníronse o martes con Fermín Álvarez, xefe de Inspección da zona de A Coruña, que non atendeu a razóns de ningún tipo e incluso menospreciou ás nais alí presentes dicíndolles que facía unha mañán moi bonita para ir de compras agora que empezaran as rebaixas, e que ese era o motivo real de que se desprazasen á cidade de A Coruña.

Nunha reunión de urxencia celebrada o martes, os pais e nais de alumnos do CPI de O Pino decidiron por unanimidade emprender accións de protesta, que comezarán hoxe mércores cunha protesta diante do colexio ás 11:30 horas, para despois trasladarse ata o Concello de O Pino onde presentarán escritos de alegacións e solicitarán o apoio e a mobilización do goberno municipal.

As accións de protesta manteranse o tempo que sexa preciso ata que a administración atenda as súas demandas.