O cantante e compositor brasileiro Fred Martins preséntanos hoxe o seu último traballo ‘Para além do muro do meu quintal’ dentro do ciclo Sons’15. Será ás 21.00 h no Teatro Principal e as entradas poden mercarse no despacho de billetes do Teatro Principal (aberto de 18.00 a 21.00 h), en entradas.abanca.com e no 902 434 443. O prezo é de 8 euros anticipada, 10 euros o día do concerto e 20 euros a entrada + CD.
Un dos versos do poema Noite de San João de Alberto Caeiro (Fernando Pessoa), musicado por Fred Martins, dá nome ao primeiro disco gravado en Europa (Lisboa) polo cantante e compositor brasileiro, un talento activo en importantes festivais internacionais e recoñecido con galardóns como o 9º Premio VISA de Música Brasileira ao mellor compositor. Nun estilo persoal e poético, orixinal e contemporáneo, as cancións de Fred Martins dialogan coa bossa, a samba e o nordeste modal brasileiro, captando elementos do blues e do rock, nun tratamento de cámara e predominantemente acústico ou electroacústico.
Dialogan coa bossa de João Gilberto, a samba de Paulinho da Viola, Nelson Cavaquinho e Cartola, incluíndo o nordeste modal brasileiro e tamén elementos de Blues e Rock. Seguindo a liñaxe de autores como Noel Rosa, Vinícius de Moraes e Chico Buarque, a poesía traspasa como un todo o traballo do autor e intensifica aquí a súa presenza, non só na xa citada canción-poema de Fernando Persoa, como no espazo común cos poetas Marcelo Diniz ("Á présa a vida pasa"), Manoel Gomes ("Poema Vello"), Fred Girauta ("Meu silencio"), Roberto Bozzeti (Terras do Sen Fin) e Alexandre Lemos ("Novamente").
Tendo como fío condutor a voz e a guitarra de Fred Martins, as cancións reciben tratamento camerístico e predominantemente acústico ou eletroacústico (con filtragem sonora, teclados vintage e piano minimal de Paulo Borges), onde o violoncelo de Sergio Menem gaña destaque entre as percusións de Márcio Bahia, Alexandre Frazão e João Ferreira e a sonoridade árabe é acentuada polo uso do cumbus, instrumento de cordas de orixe turca. Participan especialmente neste album a cantante cabo-verdiana Nancy Vieira, en “O samba me diz", e o guarani paulistano Renato Braz, en "Terras do sen fin", canción que aborda o imaginário amazónico brasileiro. Tamén actúan neste disco os músicos Bony Godoy (contrabaixo), Marcelo Martins (frautas) e Pedro Pascual (acordeón diatónico). Ademais, "Para além do muro…" conta coa produción musical do pianista e arranxador Paulo Borges. O proxecto gráfico do cd está a cargo do premiado artista Pablo Giraldez, o Pastor.
FRED MARTINS voz / guitarra
SERGIO MENEM violoncello / guitarras
PAULO BORGES piano / teclados / acordeón
JOSÉ SAN MARTÍN percusión
BONY GODOY baixo
coa participación especial de NANCY VIEIRA e PEDRO PASCUAL
Ningún comentario:
Publicar un comentario