Contigo Pódese - Comunicado sobre as xuntanzas políticas

Contigo Pódese, desexa facer público por medio deste comunicado que onte finalizou a primeira rolda de xuntanzas coas diferentes formacións de esquerdas que concorreron ás eleccións municipais no Concello de Ames. 

Nestas xuntanzas, púxose enriba da mesa o noso desexo de diálogo para poder chegar a un consenso de goberno en Ames que permita un xiro de 180 graos na forma de facer política, como así o están a demandar os veciños/as que nos apoiaroncos seus votos.

Se ben se está a falar, desde as distintas formacións, de que hai moitas liñas programáticas que nos unen de xeito que a transparencia, a participación cidadá, a rendición de contas, as políticas sociais parecen ser agora unha prioridade en todos os programas políticos, a experiencia dinos que poden ser meras declaracións de intenciónsoportunistas e falsas promesas, das que os nosos votantes xa están fartos. 

Contigo Pódese quere un compromiso firme por parte das formacións políticas para que, dende o comezo, haxa un cambio realno xeito de facer política e que se materialice en actuacións concretas que mostren á cidadanía esa vontade de cambio. 

Queremos que os/as veciños/as de Ames saiban que Contigo Pódese si se compromete a cumprir unha serie de condicións imprescindiblesque expoñemos e propoñemos ás distintas formacións políticas en prol de que se pronuncien e mostren xa esa vontade real de cambioe que son básicas para continuar coas negociacións para poder chegar a un consenso:

- Tolerancia cero coa corrupción.

- Publicidade e transparencia nas xestións municipais e en particular nas contas.

- Asembleas veciñais presenciais polo menos cada cuatrimestre para render contas da xestión municipal.

- Firma delegada da alcaldía, isto é, rematar co presidencialismo existente por parte dos rexedores municipais e facer copartícipes do goberno aos responsables das concellarías como representantes que son dos veciños/as que exerceron o seu dereito ó voto.

- Eliminación dos cargos de confianza e do persoal administrativo que traballa no Concello para os partidos políticos.

- Implicación dos órganos de goberno nas negociacións coas entidades bancarias en caso de ameaza de desafiuzamento dalgún veciño/a.

- Axudas de emerxencia ante as situacións de máxima gravidade que están a sufrir os nosos veciños/as, tan desatendidas no noso Concello.

Contigo Pódese desexa transmitir aos seus votantes e á cidadanía de Ames que,xa sexa formando parte do goberno municipal como dende a oposición, loitará pola defensa e cumprimento do noso programa, co fin de rexenerar a política e as institucións e dar un forte impulso na xestión, para atender ás graves deficiencias que padecemos na nosa municipalidade.

Ningún comentario: