MANUEL MIRÁS INAUGURARÁ HOXE XOVES
O
NOVO CENTRO DA TERCEIRA IDADE DE OROSO
As depedencias
ocupan unha extensión de 165 m2 ubicados no centro de Sigüeiro
18 de abril de 2012.- O alcalde de Oroso, Manuel Mirás
Franqueira, inaugurará hoxe xoves 19 de abril, ás 20:00 horas, as dependencias
do novo Centro da Terceira Idade de Oroso. Un acto no que estará acompañado
polo párroco de Oroso, Manuel Á. Blanco Vázquez; o presidente da asociación da
terceira idade, Daniel Liste; e concelleiros da corporación municipal.
O novo Centro da Terceira Idade de Oroso ocupará unhas instalacións cunha
extensión de 165 metros cadrados e que están ubicadas na rúa do Campo nº 9, en
pleno centro de Sigüeiro. Unhas dependencias que anteriormente albergaban o
local de pediatría e que, unha vez inaugurado o novo centro de saúde de
Sigüeiro, foron acondicionadas polo Concello de Oroso e que dende hoxe xoves
estarán abertas a todos os maiores do municipio.
Ningún comentario:
Publicar un comentario