Asociación Penateixa - xornadas sobre igualdade


A ASOCIACIÓN DE VECIÑOS DE PENATEIXA (OROSO) ORGANIZA DÚAS XORNADAS SOBRE IGUALDADE ENTRE HOMES E MULLERES E VIOLENCIA DE XÉNERO

A primeira xornada terá lugar hoxe venres no local social da Gándara e participarán técnicos do Concello de Oroso e da Mancomunidade de Ordes

19 de abril de 2012.- A Asociación de Veciños de Penateixa (Oroso) organiza, en colaboración coa Mancomunidade de Municipios da Comarca de Ordes e o Concello de Oroso, dúas xornadas divulgativas sobre “Igualdade entre homes e mulleres” e “Prevención da violencia de xénero”. Dúas xornadas de asistencia libre e de balde que terán lugar no local social da Gándara hoxe venres 20 de abril e o vindeiro mércores 25 de abril, en ambos casos ás 20:30 horas.

A xornada de hoxe venres xirará en torno á “Igualdade entre homes e mulleres” e contará coa participación da concelleira da Muller de Oroso, Mari Carmen Liste; do concelleiro de Familia e Asuntos Sociais orosán, Antonio Leira; e da axente de igualdade do Centro de Información á Muller (CIM) de Ordes, Marta Souto.

Ningún comentario: