Melide - A alcaldesa reúnese coa Conselleira de Medio ambiente, Ethel Vázquez

A alcaldesa de Melide, Ánxeles Vázquez, xunto coa concelleira de obras mantivo unha xuntanza ónte coa conselleira de medio ambiente autonómica, Ethel Vázquez para tratar varios temas de interese.
Entre os temas abordados está a solicitude de Ánxeles Vázquez como alcaldesa de Melide para acometer a obra de saneamento na zona de Santa María a altura de O Rañado, unha obra que abarcaría máis de dúas ducias de casas aproximadamente que levan anos solicitando o saneamento, tanto pola súa proximidade co centro da vila como pola súa afectación á nacional 547, xa que as necesidades se localizan nesta estrada dirección Santiago de Compostela. 
É unha obra de difícil consecución pola súa localización e os trámites burocráticos que conleva, xa que implica os informes favorables de carreteras do Estado ademais dos xa convencionais, motivo polo cal se lle traslada á consellería para axilizar o proceso dende o departamento autonómico. 

A alcaldesa melidense mostrou logo da xuntanza a satisfacción dada a colaboración unha vez máis da Xunta de Galicia, xa que a consellería comprometeuse a facer un esforzo en todos os puntos tratados mostrando un gran interesa pola situación de Melide.

Ningún comentario: