O Centro de
Saúde do Milladoiro non dispón de orzamento para iniciar a construción en 2014
Os orzamentos da Xunta de Galicia recollen unha partida ridícula
para o Centro de Saúde do Milladoiro, mentres o PP rexeitou unha emenda de Alternativa
Galega de Esquerda para poder construílo. A portavoz de Ames Novo,
Pilar Candocia, e a voceira de AGE no Parlamento galego, Eva Solla, visitárono
para falar directamente coa responsable profesionais do Centro, tanto do novo
edificio como das nefastas condicións do actual.
Hai unhas
semanas Ames Novo deu conta da situación na que se atopa o Centro de Saúde, que
ven de moitos anos atrás, do desbordamento dun centro pensado para un núcleo de
3.000 persoas cando se construíu e que hoxe son máis de 12.000, e do abandono
tanto por parte da Xunta como do goberno local.
A portavoz de Ames Novo, Pilar Candocia, e voceira de Sanidade no Parlamento, Eva
Solla, mantiveron un encontro coa responsable e distintos profesionais do
Centro, na que puideron coñecer de primeira man a situación alarmante na que se
atopa o centro e as dificultades que teñen que padecer os profesionais, e
especialmente algúns pacientes, que se ve agravada co peche dunha das salas
pola entrada de auga. Comprobamos moitas cousas xa sabidas, que a entrada de
auga no edificio sucede desde hai moitos anos e que o problema do deterioro ten
que ver coa falta do mantemento por parte do Concello e da Xunta.
Transmitíronnos tamén a frustración de ver moitos anuncios previos de intervir
que nunca se levan a cabo, nun Centro abandonado ata o punto de que no medio da
entrada hai unha lámpada con auga dentro (!!!).
Pola nosa
parte trasladámoslle dúas inquietudes. Primeiro denunciar que a partida
recollida para o novo Centro é ridícula: 19.937,97€, cando no ano 2013 era
2.776.085,29€ (ver anexos), dicir tamén que na tramitación parlamentaria, Alternativa
Galega de Esquerda presentou unha emenda para que se recollesen 2.800.000€ con
ese destino e foi rexeitada polo Partido Popular. Queremos manifestar ademais a
nosa dúbida sobre a vontade real da Xunta para construír o centro, xa que
coñecemos diversos casos en Galicia que xa dispoñían da parcela e a partida
orzamentaria, e anos despois están agardando o comezo das obras.
No referido
ao Concello xa foi advertida a incapacidade deste goberno e do anterior para
poñer a disposición a parcela, o que nos sitúa 6 anos despois no punto de
partida, sen terreo e tendo que recorrer ao contemplando para Parque de
Bombeiros como alternativa viable -parcela suficiente, non xudicializada e
dispoñible no planeamento urbano-. Ames Novo considera esta alternativa
bastante peor que a anterior pero dada a necesidade apremiante de dispor dunha
nova parcela queremos valorar a posible nova ubicación coas diferentes
entidades do Milladoiro esa proposta, polo que iniciou conversas neste sentido,
comezando polos profesionais do Centro.
 |
| ORZAMENTO 2013 |
 |
| ORZAMENTO 2014 |
Ningún comentario:
Publicar un comentario