Marcos Suzano, João Pires e Vitor Santana presentan o seu proxecto ‘Coladera’ en Galicia
‘Coladera’ (João Pires, Marcos Suzano e Vitor Santana) domingo 15 - 20h 6€
Marcos Suzano é un dos mellores percusionistas do mundo, colaborador de Gilberto Gil que sacou un disco a medidas con Lenine
Os músicos portugueses e brasileiros Marcos Suzano, João Pires e Vitor Santana presentan este domingo 15 de decembro o seu novo proxecto musical, ‘Coladera’, un encontro dos seus mundos musicais que homenaxean os ritmos lusófonos.
João Pires trae a canción portuguesa, a guitarra ibérica e a vertente africana traída dos anos nos que viviu en Cabo Verde. Vitor Santana engade a súa voz e seu violão popular brasileiro, a influencia latina e a súa ligazón profunda con Cuba. Marcos Suzano completa o trío coa mellor herdanza dos batuques de matriz africana, en máis de dez instrumentos de percusión orixinarios de tres continentes onde se fala o português.
Marcos Suzano é un dos mellores percusionistas do mundo que ten cambiado o xeito de tocar a percusión. Colaborou ao longo da súa carreira con numerosos artistas de renome, como Gilberto Gil, e publicou catro discos, un deles (‘Olho de Peixe’) xunto con Lenine.
Os mundos do Brasil e de Portugal fúndense nun diálogo baseado soamente en violões, percusións e voces, traendo un ambiente sonoro rico en mesturas e mestizaxe. Óuvense ecos de África, do candomblé, do fado e do flamenco, do samba, da rumba e do mambo, un portugués con sotaques diferentes, a eletrónica nascida do acústico de Suzano. Todo iso da maneira máis crua e directa.
A coladera é un ritmo popular caboverdiano nacido da morna, que ten a súa orixe en ritmos como o fado portugués e o lundum angolano. Também foi influenciada polo samba, pola rumba e pola cumbia. É símbolo deste fluxo vivo que constitúe o encontro de diferentes matrizes da música popular iberoamericana, a un só tempo tradicional e mestiza, negra e branca, raíz e invención.
Ningún comentario:
Publicar un comentario