A Concellería de Obras e Servizos ultima o
acondicionamento da área recreativa de Lamela
As tarefas para a instalación dun
parque biosaudable adquirido pola Asociación de Veciños, foron completadas polo
Concello coa realización dun peche, arranxo da finca e a próxima dotación de
céspede
Os concelleiros Manuel Cuíña e
Margarita Campos, veciña da localidade, visitaron hoxe este espazo. A Concellería de
Obras e Servizos, que dirixe Manuel Cuíña Fernández, está a ultimar estes días a
preparación da área recreativa na
parroquia de Lamela, na parcela situada xunto ao centro social da localidade. Neste emprazamento colocouse xa o mobiliario do
parque biosaudable adquirido pola Asociación de Veciños San Miguel de Lamela.
Dende o Concello asumíronse
as labores de instalación do citado parte, a preparación do terreo, construción dun peche no frontal da finca e
dun paseo central de formigón, onde se colocou tamén unha mesa e bancos de pedra que foron donados
á asociación. Manuel Cuíña visitou hoxe esta área, acompañado da concelleira
Margarita Campos, veciña da localidade. Cuíña explicou que nos vindeiros días procederase
á dotación de céspede nesta área.
Así mesmo, o concelleiro
de Obras e Servizos destaca a colaboración coa asociación de veciños, seguindo
a liña aberta polo seu departamento, que se completa neste caso cos traballos
de reforma e mellora no centro social de Lamela. Nestas tarefas tamén colaborou o Concello de Silleda asumindo
a redacción do proxecto de obra. Ademais da redistribución do interior do
local, os traballos consistiron na substitución das baldosas ou o forrado das
columnas con madeira, entre outros.
Ningún comentario:
Publicar un comentario