O prazo para participar no
programa diurno de balnearios remata o vindeiro vernes día 29
-As
sesións serán do 1 ao 5 de outubro no balneario de Cuntis
O prazo para participar no
programa diurno de balnearios remata o vindeiro venres día 29. Esta iniciativa, organizada pola Deputación
de Pontevedra, e na que colabora o Concello de Silleda, financiando tamén parte
do custe, busca contribuir ao fomento do envellecemento activo e á mellora na
calidade de vida dos maiores.
Os interesados poden anotarse nas dependencias da concellería de Benestar
e Igualdade, no Centro Social de Silleda.. O programa, dirixido a persoas a
partir de 50 anos ou pensionistas,
consiste en pasar cinco tardes ou
mañás seguidas da mesma semana (de luns a venres) nun balneario da provincia de
Pontevedra, permitíndolles facer uso das instalacións e volvendo á súa casa no
mesmo día. Os participantes de Silleda, acudirán ao balneario Termas de Cuntis
do 1 ao 5 de outubro próximos (só hai un turno este ano), terán servizo de transporte e de guía acompañante.
Outro dos requisitos que deben de cumprir os participantes é non padecer
enfermidade ou patoloxía incompatible coa actividade do programa e ter
autonomía para participar no mesmo.
Ningún comentario:
Publicar un comentario