O BNG ESIXE AO ALCALDE QUE INFORME DO
DESTINO DO MILLÓN DE EUROS DE GASTOS NON INCLUIDOS NOS ORZAMENTOS DE 2009
A intervención municipal constata a
existencia de perto dun millón de euros de gastos que non estaban incluidos nos
Orzamentos Municipais
O BNG esixiulle ao alcalde
de Ordes, Manuel Regos, información sobre o destino do millón de euros de
gastos que non foron incluidos nos Orzamentos aprobados pola Corporación
Municipal para o ano 2009.
O concelleiro do BNG,
Ramiro Recouso, instou ao alcalde de Ordes
“a que de maneira inmediata, informe de cal é o conceito das facturas pendentes
de pago cos proveedores do concello, que ascenden a perto dun millón de euros,
xa que, segundo un informe da intervención municipal, non gardan relación cos
gastos incluidos nos Orzamentos Municipais do ano 2009” .
Recouso
afirmou que “os veciños e veciñas de
Ordes teñen dereito a saber a que destinou o alcalde ese millón de euros que
non foi orzamentado”.
O
concelleiro nacionalista manifestou que “a
consecuencia dunha xestión absolutamente caótica e irresponsábel do alcalde,
existe un millón de euros de facturas impagadas, que colocan ao Concello nunha
situación crítica, debido ao destrago sin control de recursos públicos,
provocando unha situación delicada nas pequenas empresas, traballadores e
familias, que ven impagados os seus traballos e o subministro de materiais ao
Concello de Ordes.”
Ningún comentario:
Publicar un comentario