O PP de Boimorto insta ó Concello a que repare a Ponte de Boado e o local social de Dormeá
• O representante popular informa do mal estado da estructura e denuncia quen os días nos que sobe o nivel das augas do río os vehículos non poden atravesala
• Costoya solicita, ademais, que os fondos FEIL inclúan unha partida para dota-lo concello da rede ‘wimax’
Boimorto, 6 de febreiro de 2010.- O Voceiro do Partido Popular de Boimorto, Roberto Costoya, informa de que o Grupo Municipal Popular presentou no pasado pleno unha moción instando ó Goberno Local a que arranxe a Ponte Boado, na parroquia de Arceo. Neste senso, o representante popular considera que o Concello debe tomar medidas canto antes, debido ó mal estado no que se atopa a estructura.
E é que tal e como informa Costoya, ó longo da ponte é unha constante as fochas e o estado lamentable das varandas. Do mesmo xeito, denuncia que nos días nos que sobe o nivel das augas a ponte resulta intransitable, xa que se anega e os vehículos nin os peóns poden pasar, polo que insta ó alcalde a que estudie, inclusive, a posibilidade de crear unha ponte alternativa, para evitar así as frecuentes molestias que sofren os veciños.
Do mesmo xeito, o voceiro popular informa de que presentaron outra moción instando ó equipo de goberno a que destine parte dos fondos estatais FEIL para ó arreglo da cuberta do local social da parroquia de Dormeá, tal e como solicitaron en reiteradas ocasións os veciños, e á creación dunha rede ‘wimax’ no concello, co fin de que Boimorto se introduza no “século das tecnoloxías”.
Ningún comentario:
Publicar un comentario