Ante a situación crítica na que se atopa o cuartel da Garda Civil do Milladoiro pola falta de efectivos , Pacto por Ames presentará unha iniciativano pleno deste mes para instar a todos os órganos competentes a resolvelo.
As instalacións do Milladoiro péchanse con frecuencia e soamente o bo traballo e a boa coordinación entre a Garda Civil e a Policía Local, fan que o problema de seguridade non sexa maior.
Pacto por Ames tamén Instará areunir á Xunta Local de Seguridade para que se poñan en común todas as cuestións relacionadas coa seguridade e coa esixencia da dotación necesaria para que se cumpran uns mínimos razoables. Non se reúne dende fai máis de 1 ano.
Nestes momentos o cuartel da Garda Civil do Milladoiroconta con 32 efectivos, mandos incluídos. Das 32 persoas, 4 están asignadas ao Grupo de Intervención Rápida de forma exclusiva e un segundo grupo, o denominado ROCA, dedicase a controlar o roubo do cobre e similares, ademais hai outra sección de investigación que tampouco patrulla. Si a isto sumamos os descansos e vacacións regulamentarias e as baixas, queda claro que os efectivos son insuficientes para atender unha poboación como Ames, Teo e Brión que xuntos roldan os 60.000 habitantes,con unha extensión territorial de máis de 240 Km2 e con unha gran dispersión.
Pacto por Ames considera imprescindible un servizo de 24 horas, 7 días a semana e 365 días ao ano co fin de poder para garantir a seguridade de toda a poboación xunto con unha maior operatividade dos profesionais da seguridade.
Esta situación provoca unha carencia de seguridade bidireccional, por un lado porque as persoas que viven en Ames non teñen un servizo axeitado e pola outra a situación de estres pola presión á que están sometidos os efectivos destes corpos de seguridade que teñen que facer un esforzo adicional para intentar dar solución a todas as demandas e incidencias que acontecen a diario.
Ante a desidia do Alcalde Popular, que leva máis de un ano sen reunir a Xunta Local de seguridade (exactamente dende o 28 de xaneiro de 2014), Pacto por Ames solicitará a convocatoria da Xunta Local de Seguridade como paso previo a reclamar aos órganos competentes en materia de seguridade co fin de deseñar e chegar a uns mínimos razoables de efectivos imprescindiblespara poder desempeñar o traballo nunhas condicións óptimas.
A pesares das continuas denuncias promovidas polos veciños, o alcalde non tomou a decisión de convocar a Xunta Local de Seguridade e parece que non considera necesario esta reunión quedando en evidencia, unha vez máis, a pouca preocupación de Santiago Amor por un tema tan delicado e que provoca malestar e incerteza nos veciños e desánimo nos profesionais da seguridade.
Ningún comentario:
Publicar un comentario