A Casa das Crechas acolle hoxe martes o concerto de Roberto Sobrado, en acústico, que estará acompañado por Rafa Campoy e Pablo Vidal Mendoza. O cantautor do Carballiño traeranos temas do seu último disco, ‘Noroeste estraño’ e tamén algúns novos en exclusiva para os asistentes.
Sobrado define así o seu último traballo: “Unha volta arredor de si, rockeira, unha reivindicación “resentida”, un harakiri consciente pero non total ao cantautor que levo dentro”.
Roberto Sobrado Banda ten un son ecléctico (coma sempre), e fártase de facer “chiscadelas reixianas, calamarianas, indiebeatles e mesmo radioheadianas e suaves”. Os textos retórcense buscando a metáfora asequible, o punto social, o escéptico, o surrealista e o amor.
Ningún comentario:
Publicar un comentario