O presidente da Cámara de Comercio, Industria, Servizos e Navegación de Santiago de Compostela, Jesús Asorey, e o director Territorial de ABANCA en Santiago, Juan Carneiro, asinaron hoxe un convenio de colaboración na sede cameral, acompañados polo director da Oficina de Relaciones de Instituciones de Santiago de ABANCA, Álvaro Rodríguez, e o secretario Xeral da Cámara de Comercio, Fernando Barros. As dúas entidades comprometéronse co desenvolvemento de proxectos emprendedores e renovaron a súa aposta polo tecido produtivo da capital autonómica.
Unha das primeiras iniciativas que se realizará no marco deste acordo será bolsar o 50 por cento da estancia de tres emprendedores durante un ano no viveiro de empresas da Cámara de Comercio de Santiago, situado no polígono de Costa Vella. Estes emprendedores recibirán unha visión global das distintas áreas funcionais da empresa para poder determinar oportunidades de mercado e desenvolver un plan de empresa, con axuda das ferramentas de xestión necesarias e o asesoramento dos técnicos de creación de empresas da Cámara de Comercio. O obxecto é poñer en marcha e garantir a viabilidade do proxecto empresarial. A Cámara de Comercio comprométese a convocar as bolsas de emprendemento antes da finalización deste ano 2015.
Ademais, ABANCA oferta a través do convenio unhas condicións financeiras personalizadas e adaptadas ás necesidades dos emprendedores instalados na incubadora empresarial de Costa Vella. Poderán solicitar con condicións vantaxosas un préstamo para emprendedores, un préstamo ou leasing de novos investimentos, unha póliza de crédito ou un préstamo para o desenvolvemento formativo e profesional.
Ningún comentario:
Publicar un comentario